Kështu mund ta largoni erën e cigareve nga rrobat, makina ose shtëpia

Disa rekomandime për të eliminuar erën e cigareve dhe që miqtë ose familjarët tuaj të mos shqetësohen nga ky fenomen.

Ndoshta një nga problemet më të mëdha që kanë njerëzit që pinë cigare ose jetojnë me duhanpirësit është çështja e aromës, pasi ajo depërton lehtë dhe mund të jetë shumë e bezdisshme për të tjerët. Hyrja në një makinë ose në shtëpinë e një duhanpirësi është një nga gjërat më të pakëndshme që mund të përjetojnë njerëzit që nuk e pinë cigare.

Disa rekomandime për të eleminuar erën e duhanit në makinë janë larja dhe pastrimi me fshesë korrenti vazhdimisht si dhe zbrazja e tavllës pasi filtrat e cigareve të konsumuara shkaktojnë aromën e pakëndshme. Ju gjithashtu mund të hapni dritaret për qarkullimin e ajrit dhe ajrosur brendësinë e makinës tuaj, me disavantazhin kur moti nuk është i mirë dhe do të duhet të dëgjoni më shumë zhurma nga jashtë.

Sa i përket rrobave tuaja, ju mund të përdorni produkte të tilla si uthulla e bardhë për të lagur rrobat, të përdorni sodë bikarbonati për të thithur erërat ose të vendosni kafenë e bluar në një enë, e cila edhe pse nuk është shumë praktike, është një metodë natyrale dhe efektive. Për të eleminuar erën e cigareve në shtëpi, uthulla mund të hyjë në punë si dhe kafeja dhe lëvozhgat e agrumeve në tasa.

Mund të përdorni edhe disa aromatizues, që mund t’i gjeni me shumëllojshmëri aromash, por që do të duhet t’i zëvendësoni vazhdimisht. Megjithëse mund të aplikoni këto dhe rekomandime të tjera në shtëpi, sot ka alternativa që eliminojnë disavantazhet e djegies së duhanit.