Kombinimi i Mëngjesit Që Ndihmon Në Uljen e Kolesterolit

Kombinimi i Mëngjesit Që Ndihmon Në Uljen e Kolesterolit

Trupi ka nevojë për një sasi të caktuar kolesteroli, që të kryejë funksionet e tij.
Por nëse mjeku ju ka thënë se keni kolesterol të lartë, kjo do të thotë se tani detyra juaj është ta ulni atë.

Cila është mënyra më e mirë për ta bërë? AgroWeb.org ju fton ta zbuloni më poshtë.
Si të ulni kolesteroni e lartë?

Ekzistojnë disa mënyra për ta bërë këtë, të tilla si ulja e stresit, lënia e duhanit dhe stërvitja e rregullt.

Por ajo çka do të bënte një ndryshim edhe më të madh është konsumi i ushqimeve të shëndetshme.

Megjithatë shpeshherë nuk është vetëm ushqimi cilësor që konsumoni, por edhe mënyra se si i kombinoni ushqimet në pjatën tuaj.

Kjo është diçka e vlefshme, sepse mund t’ju ndihmojnë me disa shqetësime shëndetësore, sepse ju jep mundësinë të përfitoni një mori lëndësh ushqyese vetëm me një kafshatë.

Për shembull, AgroWeb.org sugjeron një kombinim të tërshërës me qumështin e bajameve.

Tërshëra është një nga zgjedhjet më të shëndetshme që mund të bëni për mëngjes.

Ajo ju ndihmon të menaxhoni peshën, ndihmon në përmirësimin e shëndetit të zorrëve dhe në uljen e niveleve të kolesterolit.

Ekspertët e shëndetit, të cilëve AgroWeb.org iu referohet, sugjerojnë të konsumoni një tas me tërshërë për mëngjes.

Ju do të merrni rreth 5 gramë fibra, të cilat mund të zvogëlojnë përthithjen e kolesterolit në qarkullimin e gjakut.

Sipas ekspertëve, pesë deri në dhjetë gramë fibra të tretshme në ditë, mund të ulin kolesterolin e keq.

Disa studime kanë zbuluar se marrja e fibrave të tretshme, jo vetëm që lidhej me përmirësimin e shëndetit të zemrës duke ulur kolesterolin e keq në gjak, por gjithashtu ndihmonte në uljen e rrezikut të sëmundjeve kardiovaskulare në përgjithësi.

Së bashku me përmbajtjen e fibrave, një arsye tjetër pse tërshëra është një zgjedhje kaq e shëndetshme për mëngjes është fakti se ju mund të shtoni shumë përbërës të shëndetshëm dhe të pasur me lëndë ushqyese në tasin tuaj.

AgroWeb.org rekomandon përfshirjen e arrorëve si bajamet apo arrat, të cilat janë të mbushura me yndyra të shëndetshme, fibra, magnez dhe vitamina.

Të cilat gjithashtu mund të ndihmojë në uljen e kolesterolit të keq.

Një plus i madh është edhe shtimi i frutave të tilla si mjedra, luleshtrydhet ose mollët.

Kështu do të merrni një rritje shtesë të fibrave për një mëngjes shumë të shëndetshëm./AgroWeb

LEXO EDHE:

Back to top button