Komisioni Evropian: Aktualisht nuk ka nevojë që BE të përgatitet për një pandemi të re

Pas informacionit se rasti i parë i konfirmuar i metapneumonisë, pra virusi HMPV, është regjistruar në Greqi, njoftoi sot Komisioni Evropian (KE).

Zëdhënësja e KE-së për të drejtat sociale, barazi, kulturë dhe shëndetësi, Eva Hrnchirova, tha se nuk është e nevojshme që Bashkimi Evropian të përgatitet për një pandemi të re për momentin.

Ajo thotë se janë në dijeni të raportimeve në media dhe situatës në Kinë, ku sipas informacioneve ka një numër në rritje të rasteve të personave të infektuar me virusin metapneumoni.

“Qendra Evropiane për Parandalimin dhe Kontrollin e Sëmundjeve (ECDC) është shumë e kujdesshme në monitorimin e situatës dhe Komisioni Shëndetësor do të diskutojë dhe situata do të monitorohet në javët në vijim”, tha Hrnchirova.

Dhe autoritetet në vend dolën sot me tone qetësuese se nuk ka vend për panik.

Simptomat janë si gripi – sekrecioni, kollitja, teshtitja, temperatura e trupit, dhimbje kyçesh.

Metapneumovirusi zakonisht transmetohet përmes kontaktit të ngushtë, përmes prekjes së objekteve të kontaminuara dhe më pas prekjes së gojës, hundës, syve.

Zakonisht jep simptoma të rrugëve të sipërme të frymëmarrjes, dhe më rrallë simptoma të frymëmarrjes së poshtme.