Konte me Vidalin ndaj “bardhezinjëve” të Udinezes

Tri pikë e ndajnë Interin nga Milani. Prandaj, zikaltrit ende mund të shpresojnë ta fitojnë titullin e kampionit të dimrit. Sidoqoftë, do të jetë e nevojshme të mposhtin Udinese, duke shpresuar te hapi fals i Milanit në ndeshjen e vet, e fundit për fazën e parë. Mbi të gjitha, “bardhezinjtë’ e Gottit arritën të ndalojnë Atalantën këtë javë, duke provuar se mund ta thonë fjalën e tyre kundër kujtdo.

Në ndeshjen e fundit të kampionatit, Interi mposhti Juventusin në “Derby d’Italia”, duke marrë edhe më shumë vëmendje. Konte do të startojë edhe një herë me dyshen Martinez-Lukaku në sulm; si dhe mesfushorët e brendshëm Barella, Brozovic dhe Vidal. Jang dhe Hakimi nga krahët, ndërsa prapavija mbetet në këmbët e Shkriniar, De Vrij dhe Bastoni. Si zakonisht, Handanovic do të jetë në portë.