Kryetari i bashkisë “lidh kurorë” me një krokodil, e puth edhe në “buzë”
Një kryebashkiak meksikan është bërë personazhi kryesor i një eventi të pazakontë. Ai është martuar me një krokodil, të cilën e ka veshur edhe me një fustan nusërie.
Victor Hugo Sosa është kryetari i bashkisë së San Pedro Huamelula. Ai u martua me krokodilin, në kuadër të një rituali të vjetër të popullsisë indigjene që parashikon sjelljen e bollëkut në fshatin në Meksikën jugperëndimore.
Zvarraniku shtatë vjeçar, i referuar si “Princesha e Vogël”, besohet të jetë një hyjni që përfaqëson Nënën Tokë dhe martesa e saj me udhëheqësin lokal simbolizon bashkimin e njerëzve me botën hyjnoren.
