Kuvendi i Gjirokastrës

Më 23 korrik të vitit 1880 u mbajt Kuvendi i Gjirokastrës, i kryesuar nga Avdyl Frashëri.

Çështja themelore që trajtoi ishte autonomia e Shqipërisë, koha e shpalljes dhe mënyra e arritjes së saj. Kuvendi vendosi që, koha më e përshtatshme për të shpallur autonominë e Shqipërisë do të ishte çasti kur Perandoria Osmane të pranonte pushtimin e trojeve shqiptare nga ushtritë greke e malazeze.

Kuvendi kërkoi autonomi për trojet e Shqipërisë dhe vendosi që me armë në dorë të mbroheshin viset shqiptare të Çamërisë, Ulqinit, Plavës e Gucisë.