Kvaratshkelia, gati të kalojë në Premier Ligë

Khvicha Kvaratskhelia raportohet se është i interesuar për një lëvizje te Njukasëll, nëse ata sigurojnë kualifikimin në Ligën e Kampionëve sezonin e ardhshëm. 22-vjeçari është në diskutime me gjigantët italianë për nënshkrimin e një marrëveshje të re, më pak se 12 muaj nga bashkimi me klubin për 8.6 milionë sterlina.

Kontrata e tij ekzistuese zgjat deri në vitin 2027, por ai fiton vetëm 26,000 paund në javë. Një sezon i parë i mrekullueshëm e ka parë atë të shënojë 13 gola dhe të japë 15 asiste në 29 paraqitje. Dhe ndërsa një marrëveshje e përmirësuar duket të jetë në horizont, Kvaratskhelia, me pseudonimin “Kvaradona”, dëshiron që një klauzolë lirimi të vendoset në kontratën e tij. Napoli heziton të detyrohet pasi e vlerëson lojtarin e tyre në rreth 140 milionë sterlina.

Sipas “Football Insider”, Njukasëll tani ka hyrë në garë për të nënshkruar me lojtarin e kombëtares gjeorgjiane. Ndërkohë, Napoli po i afrohet titullit të parë në kampionat pas 33 vitesh. Skuadra e Luçiano Spaletti-t kryeson Serinë A me një avantazh prej 18 pikësh. Por ata përballen me humbjen e dy yjeve të tyre më të mëdhenj gjatë verës, me Kvaratskhelia dhe sulmuesin Viktor Osimhen që të dy të lidhur me largime të mundshme në fund të sezonit.