Los Anxhelos pritet të goditet nga stuhia e borës, alarmi i parë që nga viti 1989

Los Anxhelos pritet të goditet nga stuhia e borës, alarmi i parë që nga viti 1989

Stuhia e madhe e borës po godet Kaliforninë Jugore, ndërsa në Los Anxhelos është dhënë një paralajmërim stuhie që nuk ka ndodhur që nga viti 1989. Meteorologët shprehen se një stuhi e tillë bore nuk është parë në Kaliforninë jugore për një kohë të gjatë.

Rrugët kryesore në zonë, duke përfshirë pjesë të Ndërshtetërore 5, autostradën që lidh Meksikën, Kaliforninë dhe Kanadanë, janë mbyllur për shkak të akullit dhe borës, dhe autoritetet nuk kanë bërë parashikime se kur do të hapen sërish.

Bora dhe erërat e forta rrëzuan gjithashtu disa linja elektrike, duke lënë në errësirë ​​më shumë se 100,000 shtëpi në Kaliforni. Të enjten, shkollat ​​në veriperëndim të shtetit u mbyllën për shkak të motit të pazakontë.

“Kjo është dita e parë e borës që kemi pasur në 31 vitet që kam qenë në distrikt,” tha Times Jeff Napier, një zyrtar në Distriktin e Shkollave të Qarkut Del Norte.

Në pesë shtete, qindra mijëra shtëpi dhe biznese kanë mbetur pa energji elektrike. Më shumë se 700,000 njerëz në Michigan dhe 120,000 në Kaliforni ende nuk kanë energji elektrike që nga mëngjesi i së premtes.

Ndërkohë, temperaturat në Uashington DC arritën në 81F (27C) të enjten, që nuk kishte ndodhur që nga viti 1874./abcnews.al/

LEXO EDHE:

Back to top button