Mediat, Sebastian Fetel do të rikthehet te “Red Bull”

Piloti gjerman Sebastian Fetel, pas tërheqjes nga sporti vitin e kaluar, është padyshim një nga personazhet që i mungon Formula 1. Në karrierën e tij ai fitoi 4 tituj kampionë bote kur pilotonte makinën Red Bull, por sipas “Sky Sports F1”, piloti gjerman mund të rikthehet te skuadra ku triumfoi. Këtë herë jo si pilot, por në rolin e drejtuesit.

“Mund të kemi një rikthim surprizë të Fetel që këtë vit te Red Bull. Ai ka vendosur të mos pilotojë më, por do të jetë pranë Red Bull si drejtues, duke zënë vendin e Helmut Marko në krye të skuadrës”, shkruajnë mediat gjermane.

Kështu, te skuadra që po dominon këtë sezon në Formula 1 mund të ketë ndryshime në stafin drejtues edhe pse Kristian Horner do të vijojë me detyrën e tij si drejtori sportiv i garave. Ardhja e Fetel do të jetë një ndihmë e madhe për të, një pilot me përvojë që mund të ndihmojë Verstapenin.

LEXO EDHE:

Back to top button