Mesi ia mbush mendjen Kumanit për titullin

Trajneri i Barcelonës Ronald Kuman, ka reaguar pas fitores së thellë që Barcelona arriti kundër Granadas. Strategu holandez u shpreh i kënaqur me ekipin, po ashtu theksoi se nëse Barça vazhdon me kësi lloj paraqitjesh, atëherë titulli mund të jetë i mundur.

“Lufta për titull duhet të jetë mentalitet i skuadrës. Ekipi po përmirësohet shumë, kishim 3 ndeshje jashtë shtëpisë dhe kemi arritur 9 pikë. Ne jemi më shumë të qetë dhe ishim më shumë të koncentruar. Ju duhet të jeni të përulur dhe të vazhdoni të punoni për të përmirësuar. Ishte e rëndësishme të mbanim portën e paprekur, kemi nevojë për Leo Messi në mënyrë që të fitojmë tituj”, përfundoi Ronald Kuman.