Адеми: Нема директна закана за безбедноста на државата

Сите дејствија што ги преземаме се во координација со нашите меѓународни партнери, изјави Арбр Адеми во емисијата „Патот кон“ на Алсат, подвлекувајќи ги придобивките на земјата од полноправното членство во НАТО.

„Нема директна закана за стабилноста, безбедноста на земјата и регионот. Сите активности што ги преземаме се во координација со нашите меѓународни партнери. Само во такви ситуации сега гледаме колку било и колку е важно да се биде дел од НАТО. Порано имаше реторика што е НАТО, што ни носи НАТО, што ни носи ЕУ, денес гледаме што ни носи НАТО и што ни носи Европската унија и што значи да се биде дел од најголемата воено-политичка организација во земјата“, изјави Адеми.