КОШАРКАСПОРТ

Адетокумбо и Форсберг, косопственици на фудбалскиот клуб

Кошаркарот на Милвоки Бакс, Јанис Адетокумбо и шведскиот хокеар Филип Форсберг станаа косопственици на фудбалскиот клуб Нешвил, соопшти клубот.

Во сопственичката структура на Јанис ќе му се придружат и неговите браќа Танасис, Костас и Алекс.

„Татко ми беше професионален фудбалер и тоа беше првиот спорт во кој се вљубив во Грција. Отсекогаш сонував да имам фудбалски тим. Кога јас и моите браќа го истражувавме Нешвил, знаевме дека тоа е вистинскиот тим и град“, изјави Јанис.

 

Мнозински сопственик на клубот кој се натпреварува во МЛС е Џон Инграм. Покрај грчките кошаркари и најдобриот стрелец на хокеарскиот клуб Нешвил, во сопственичката структура се и оскаровката Рис Витерспун, како и Дерик Хенри, член на НФЛ тимот Тенеси.

Адетокумбо влезе во сопственичката структура на безбол клубот Милвоки во 2021 година, откако таа година го предводеше кошаркарскиот тим до шампионската титула во НБА лигата./Makfax

Прикажи повеќе

Related Articles

Back to top button