Македонскиот репрезентативец Езџан Алиоски има нов клуб, откако официјално потпиша договор со швајцарскиот прволигаш Лугано.
По завршетокот на авантурата во Саудиска Арабија, Алиоски одлучи да се врати во Европа и ја прифати понудата на клубот од швајцарската Суперлига. Искусниот лев бек, кој може да игра и како офанзивец по левата страна, со ова го продолжува своето меѓународно искуство во една добро позната срединa.
Алиоски играше за Лугано од 2015 до 2017 година, а во швајцарскиот фудбал тој беше дел и од Јанг Бојс У23 и Шафхаузен. Ова е значаен трансфер и за Лугано, кој добива проверен интернационалец со богато искуство од Премиер лигата (со Лидс Јунајтед), турската Суперлига (со Фенербахче), како и од настапите во дресот на Македонија, за која има над 80 натпревари.
