ВЕСТИМАКЕДОНИЈА

Американскиот државен секретар Блинкен попладне во Скопје

Државниот секретар на САД, Ентони Блинкен во среда (29 ноември) се очекува од Брисел каде што учествува на состанокот на НАТО попладнево да замине за Северна Македонија, каде што ќе учествува на Триесетиот министерски состанок на ОБСЕ што се одржува утре и задутре во Скопје.

Во Брисел, секретарот Блинкен ги продолжува состаноците со министрите за надворешни работи на НАТО, вклучувајќи го и првиот состанок на министрите за надворешни работи на Советот НАТО-Украина, а ќе има и посебна средба со украинскиот министер за надворешни работи Дмитри Кулеба.

„Секретарот Блинкен ќе ја истакне цврстата посветеност на НАТО кон Украина во нејзината борба против руската агресија, ќе ја нагласи нашата поддршка за демократијата и регионалната стабилност на Западен Балкан и ќе разговара за приоритетите на Самитот во Вашингтон во јули 2024 година“, соопштија од Стејт Департментот.

Прикажи повеќе

Related Articles

Back to top button