Американскиот државен секретар Марко Рубио нема да учествува на разговорите во Лондон, чија цел е да се стави крај на војната во Украина, изјави портпаролката на Стејт департментот, Теми Брус.
Advertisements
Откако разговараше со својот британски колега, на социјалната мрежа Икс Рубио објави дека ќе го одложи патувањето и ќе го посети Обединетото Кралство во наредните месеци.
Разговорите ќе продолжат, а на нив ќе присуствува и претставникот на претседателот Доналд Трамп за Украина, генерал Кит Келог, додаде тој.
Сепак, не е јасно дали неговото отсуство значи дека Трамп ги намалил очекувањата на Вашингтон за состанокот во Лондон, откако во неделата изјави дека се надева оти Москва и Киев ќе постигнат договор оваа недела за прекин на конфликтот во Украина.
