Апелација ќе одржи јавни седници по жалбите на Обвинителството за куќниот притвор на двајцата поранешни директори на Онкологија
Апелација ќе одржи јавни седници по жалбите на Обвинителството за куќниот притвор на двајцата поранешни директори на Онкологија
Апелациониот суд во Скопје денеска ќе одржи јавни седници по поднесените жалби од Основното јавно обвинителство по одлуките на Кривичниот суд за поранешните директори на Клиниката за онкологија Нино Васев и Нехат Нухи осомничени во случајот „Онкологија“.
Како што информира Апелациониот суд, јавната седница за предметот против обвинетиот Нино Васев ќе се одржи во 10:30 часот, а седницата за организацискиот директор Нехат Нухи во 14 часот.
Основниот кривичен суд им одреди мерка „куќен притвор“ на двајцата поранешни директори, а Обвинителството незадоволно од одлуката најави жалба пред Апелациониот суд.
За предметот „Онкологија“, Основното јавно обвинилетсво поднесе две обвиненија со кои се опфатени двајцата поранешни директори на Клиниката и четворица доктори онколози.
