Апелациониот суд во Скопје ќе одлучува за казните за 21 осудени лица во случајот „Транспортер“

Апелациониот суд во Скопје ќе одлучува за казните за 21 осудени лица во случајот „Транспортер“ што го отвори СЈО, а кој се однесува на скапиот училишен превоз во Битола. Одбраната на поранешниот градоначалник на Битола Владимир Талевски, кој беше осуден на осум години затвор и 20 други обвинети, бара од Апелациониот суд да ги укине затворските казни и да го врати случајот на повторно судење. Сепак, со ова денес не се согласи Вишото обвинителство во Скопје, велејќи дека тие веруваат дека казните изречени во март минатата година биле праведни.