Ардијан Муча од ДУИ ја претстави програмата за Скопје во Бутел и Шуто Оризари

Носителот на Листата на советници од редовите на ДУИ за град Скопје, Ардијан Муча, во Бутел и Шуто Оризари ја претстави изборната програма за Град Скопје каде меѓу другото вети дека приоритет ќе биде ревизија на деталните урбанистички планови со цел да им се олесни на инвеститорите да инвестираат во Бутел, Чаир и Шуто Оризари.

„Со модерен мост ќе го поврземе Визбегово со булеварот Словенија и Љуботен ќе има нова водоводна мрежа. Зазеленувањето на градот ќе продолжи во сите населби како и досега. Ќе се изградат тротоари, како и нови велосипедски патеки, а ќе се одржува осветлувањето во руралните средини на територијата на Град Скопје и околните општини“, рече Муча.