Беџети: Груевски може да се врати кога сака

Груевски може кога сака да се врати, зашто тој е граѓанин на оваа земја – рече во интервју за Алсат Блерим Беџети организациски секретар на ДУИ.

Тој исто така кажа и дека „не сака да биде адвокат на ниту еден министер“ и да одговори на прашањето кој министер од ДУИ бил во Будимпешта.

Новинар: Дали знаете вие кој е министерот на ДУИ кој патувал во Будимпешта за оваа цел?

„Добро е да каже ВМРО кој министер бил, не сакам да играм улога на адвокат на ниту еден министер, најмалку имам потреба за тоа.. Сигурно дека уставните измени се корисни за државата и граѓаните. Сега, внатрешните разлики што ВМРО ДПМНЕ ги имаат се нивно прашање, но тоа воопшто не треба да го спречи овој процес кој е многу важен за интеграцијата на државата односно за почеток на преговорите со ЕУ. Многу е корисно и за животниот стандард и сите придобивки што ги носи ЕУ“, рече Беџети.