СВЕТ

Бербок не ја исклучува можноста за учество на Германија во мировна мисија во Украина

Германската министерка за надворешни работи Аналена Бербок изјави дека евентуалната мировна мисија во Украина треба да вклучува Европејци, како и претставници од други региони, и не ја исклучи можноста за учество на германски претставници.

Во однос на можноста за испраќање германски трупи во Украина, Бербок нагласи дека разгледува „различни елементи на стабилни мировни напори во соработка со клучни европски партнери и Украина“.

„Мировната мисија може да биде дел од овие напори. Секако, потребно е учество на нас, Европејците, но и на други региони. Знаеме дека колку е поголема меѓународната обврска, толку се мисиите постабилни. Истовремено, тоа вклучува и земји надвор од Европа, со кои рускиот претседател Владимир Путин е заинтересиран за добри односи. Во овој контекст, нашето учество на други континенти, било во развојни или во безбедносни области е многу важно“, изјави Бербок во интервју за „Франкфуртер алгемајне цајтунг“.

Прикажи повеќе

Related Articles

Back to top button