Бериша: Неполна година по скандалот со недостаток на сапун во училиштата, се најавува дигитализација

Нема ниту една година на пример од скандалот со сапун во нашите училишта, а зборуваме за дигитализација, вака претставничката на Алијанса за Албанците, Вјолце Бериша, во своето вечерашно гостување во емисијата „Патот Кон“ на Алсат, ја коментираше најавата за дигитализација на учебниците во училиштата.
Бериша додаде дека дигитализацијата и следењето на глобалните трендови е неопходна, но оти  Министерството за образование сака избрзано да ги спроведе овие реформи.

„Секоја реформа што е направена во забрзана форма е оставена на половина. 20 години се правеа реформи толку често, толку често се обидувавме да правиме реформи, а потоа ги исполнувавме подрумите на училиштата со компјутерски фосили, што знаат наставниците“, изјави Бериша.