Бизнисменот Шкелќим Деволи се сретна со турскиот претседател Ердоган, разговараат за економијата

Косовскиот бизнисмен, Шкелќим Деволи, денеска во Сараево се сретна со претседателот на Република Турција, Реџеп Таип Ердоган. Тема на нивниот разговор беше економскиот развој на регионот, како и трговските односи меѓу турската држава и Косово.

Претседателот Ердоган на Деволи му рекол дека е восхитен од Косово, нагласувајќи ги добрите односи меѓу двата народа.

Од друга страна, косовскиот бизнисмен, му се заблагодарил на турскиот претседател за континуираната помош за Косово, подвлекувајќи дека има простор за уште поголемо интензивирање на економската соработка и трговска размена меѓу регионот и Турција.