Блерим Беџети против Артан Груби за поликлиниката во Сарај

Поликлиниката Сарај ги судри функционерите на централната и локалната власт од редовите на ДУИ. Градоначалникот Блерим Беџети ги повика граѓаните да не веруваат во лажни вести бидејќи како што вели, поликлиниката Сарај, сè уште не е готова. Неговата реакција дојде по објавувањето на фотографии од неговите сопартијци, првиот вицепремиер на Владата, Артан Груби и заменик-министерот за транспорт и врски, Беким Реџепи, кои тврдеа дека изградбата на поликлиниката е завршена. Беџети рече дека проектот сè уште не е завршен, а анексот што го споменаа од Владата сè уште не е донесен и нема врска со уредувањето на поликлиниката, туку за изградба на оградата и поправка на дворот.

„Тоа е лажна вест која реално ги збунува граѓаните. За жал, поликлиниката сè уште не е завршена, деновиве се очекува да помине анексот, иако ако го поврземе, пишува дека Владата го одобрила анексот, не е точно, Министерството за здравство ќе дозволи анекс и сè уште не е дозволено, дури потоа одиме во следната фаза“, рече Блерим Беџети, градоначалник на општина Сарај.

Алсат ги посети просториите на поликлиниката и таа изгледаше вака…

Градоначалникот Беџети рече дека поликлиниката е во ваква состојба уште пред јуни. Ја обвини Владата за бесмислени одложувања.

„Ако одиме според одлуката на Владата, технички детаљ, вака, повеќе од 2 месеци останува само административната согласност што треба да се добие од Владата за најавата од ЦЈЗ за опремувањето. Ова беше причина да не се доведуваат во заблуда граѓаните на општина Сарај. Вака е веќе една година, пред јуни месец е во иста состојба“, додае тој.

Но, вицепремиерот Груби, заменик-министерот за транспорт и врски преку своите социјални мрежи објавија фотографии од овој објект, велејќи дека е завршен една година пред предвиденото.

„Заврши изградбата на ветената регионална поликлиника во Сарај од 1.600 м2…“, рече Артан Груби, Прв вицепремиер на Владата.

„Министерството за здравство ќе продолжи со јавна набавка за медицински помагала и нивно ставање во функција“, изјави Беким Реџепи, Заменик-министер за транспорт и врски.

Побаравме Министерството за здравство да ни потврди дали го потпишало или не анексот од договорот, како стои работата со објектот, дали е готов или не и кога се очекува работите да бидат целосно завршени. Одговор не добивме./Alsat.mk

Ајнур Бафќари