РЕГИОН

Бугарската привремена влада бара оставка од обвинителот Гешев

Бугарската привремена влада го обвини шефот на обвинителството Иван Гешев за злоупотреба на службена должност и бара негова смена. Во интервју за радиото БНР привремениот министер за внатрешни работи Бојко Рашков го обвини Гешев за незаконско објавување на записници од прислушувани разговори.

Рашков изјави дека тоа што го сторил Гешев се смета за кривично дело и според Кривичниот законик се предвидува затворска казна. Гешев во 2020 година објави во медиумите два транскрипта од прислушувани разговори од кои во еден од нив учествува претседателот Румен Радев.

Коментарите со кои Рашков го обвинува Гешев доаѓаат во период кога привремената влада на Бугарија ги проверува активностите во изминативе 12 години на претходната влада под водство на поранешниот премиер Бојко Борисов.

Прикажи повеќе

Related Articles

Back to top button