Депонирани оставките на министрите на ДУИ, власта чека потег од Мицкоски

Министрите во Владата од редовите на ДУИ вчера поднесоа писмени оставки од функцијата до премиерот Димитар Ковачевски, во насока на исполнување на едно од барањата на опозициската ВМРО-ДПМНЕ, а со цел да бидат изглазани уставните измени со што би се деблокирала евроинтеграцијата на земјата. Од СДСМ го поздравија потегот и порачаа дека на потег е Христијан Мицкоски да покаже државнички капацитет и одговорност. Од ВМРО-ДПМНЕ и натаму опстојуваат на позицијата за брзи избори.

Претседателот на ДУИ, Али Ахмети, вчера упати јавно писмо до премиерот Ковачевски, во кое вели дека министрите и владините функционери од редовите на Демократската Унија за Интеграција поднесуват оставки од функциите што во моментов ги извршуваат и оти оставките ќе се материјализират автоматски во моментот кога опозицијата ќе гласа за уставни измени.