ДИК, Даштевски уверува дека в недела нема да има проблеми со „фингерпринт“ уредите

Државната изборна комисија е убедена дека вториот круг од локалните избори ќе помине подобро од првиот, поради искуството и дополнителните мерки.

Оваа изјава Даштевски ја даде за време на посетата во Битола од каде го доби избирачкиот материјал за гласањето в недела. Тој денеска и утре ќе биде поделен низ општинските изборни комисии, а во сабота ќе се однесе на избирачките места. ДИК при гласањето во првиот круг се соочи со проблеми, пред сè од техничка природа со терминалите за идентификација на отпечатоците. Дополнителен проблем беше и тоа што некои од членовите на избирачките одбори не знаеја како да управуваат со уредот. Дополнителна пречка беше и тоа што голем дел од нив беа новоизбрани. Тоа доведе до долги редици на избирачките места, па во некои од нив гласањето продолжи и по 19 часот.

Fatlume Dervishi