Димовски: Поднесуваме тужба и продолжуваме со други форми на притисок

Сојузот на синдикати на Македонија најави колективна тужба против дел од централната власт и дел од локалната самоуправа, за неусогласување на колективните договори согласно Законот за минимална плата. Како што кажа првиот синдикалец, Дарко Димовски, тужбата ќе ја поднесат пред домашните и странските правосудни органи, а во неа нема да влезат органите коишто го испочитувале законот.

„Во врска со штрајкот, одиме понатаму со други форми на притисок и изразување неаздоволство онаму каде што не добивме ништо, а тоа се министерствата и останатите институции под централната власт. Одиме понатаму и во локалната самоуправа, каде што не добивме усогласување на платите. Борбата продолжува сѐ до исполнување на нашите барања.