До вторник одлука дали ќе продолжат мерките за превенција од ковид-19

До вторник, властите ќе одлучат дали да ги продолжат или прекинат ограничувачките мерки против Ковид 19. Иако бројот на нови случаи се намалува, Комисијата за заразни болести ќе процени дали е потребно да се продолжат мерките за уште две недели. Имунизацијата на населението со вакцини се очекува да ја подобри епидемиолошката слика. Со пристигнувањето на најавените вакцини, во наредните недели се очекува значително да се зголеми бројот на вакцинирани на дневна основа.

Министерот Венко Филипче рече дека во шест градови во земјава, Куманово, Штип, Кавадарци, Битола, Охрид и Тетово се организираат пунктови за вакцинација и здравствен персонал кои ќе бидат ангажирани во имунизација на граѓаните. Утре попладне се очекува да пристигнат 10 илјади дози Фајзер, со кои ќе се вакцинираат постарите граѓани.

До вчера околу 39 илјади граѓани биле вакцинирани против Ковид. Околу 13 илјади од нив се вакцинирани со AстраЗенека, четири илјади со Фајзер и значителен дел со Спутник.

Вјолца Алити