Еден ден по обилните дождови во тетовско, жителите ги чистат куќите и подрумите

Еден ден по обилните дождови во тетовско, жителите ги чистат куќите и подрумите и ги проценуваат штетите. Алсат дознава дека во текот на денот до локалните власти 28 семејства пријавиле штети од поплавите, а кај сопствениците на бизниси што ги сретнавме, велат дека ќе им треба време да ги вратат бизнисите во функција.

„Имаме големи штети, овие возила се на клиентите, таму ја имаме комората и механизацијата.

Дали имате функционална опрема? „Не, водата била метар и пол, треба да се провери“

„Ситуацијата се влоши за еден часот, кога дојде водата, овде се беше покриено со кал, како што гледате, сега размислуваме да исчистиме да видиме како ќе се одвиваат работите.

Дали имате голема штета? Имаме штета, да, но штетите и се плаќаат, да видиме што можеме да отстраниме од штетата, а што нема да можеме да отстраниме нема да можеме“.

Се уште не се знае колкава материјална штета предизвика дождот во Тетово. Претседателот на Советот на општина Тетово Бесар Дурмиши вели дека го чека извештајот на Кризниот штаб.

„Вчера имавме средба со кризниот штаб, денеска работат. Ќе поминат два-три дена додека не го завршат процесот на проценка на материјалната штета предизвикана од дождот вчера или завчера, и ние ќе ве информираме за извештајот што ќе ни го дадат“, изјави Бесар Дурмиши, претседател на Советот на општина Тетово .

По обилните дождови во Тетово, многу патишта на Шар Планина беа блокирани од одрони, вода и кал преполнија многу подруми на домови и деловни објекти, а многу возила останаа заглавени во водата. Обилните дождови оштетија и земјоделските култури.

Мефаил Исмаили