Едниот од заболените битолчани на Занзибар нема јужноафриканска корона

Сопружници од Битола кои пред 5 дена се вратиле од патување на островот Занзибар во Африка се позитивни на Ковид 19. Нивниот случај е посебен затоа што на тој континент постои новиот т.н. Јужноафрикански сој на вирусот кој побрзо се шири, а болеста е потешка. Анализите на МАНУ попладнево покажаа дека кај едниот пациент станува збор за британската мутација на ковид, а за другиот резултатот се чека утре. Изминатиов период, поради немање потреба од негативен ПЦР тест, многу наши граѓани заминаа на патување во Занзибар и на Малдиви.