Ефективниот попис на населението во април 2021 година ќе зависи од брзото усвојување на законот за попис

Предлог законот за попис во април 2021 година сè уште не е подготвен. Со месеци се очекуваше дека верзијата што требаше да обезбеди регистрација во април 2020 година ќе биде променета. Министерството за правда не одговори на прашањата; До каде е подготовката на нацрт-законот за попис на населението и домаќинствата? Кога ќе биде разгледан од Владата? Зошто е потребно толку време да се подготви закон, чија верзија е веќе подготвена и треба да се променат само временските рамки за кога ќе се спроведе?

Министерот за правда, Бојан Маричиќ, изјави дека законот треба да биде усвоен од Собранието до крајот на оваа година. Не е јасно зошто е потребно толку време, додека Државниот завод за статистика повика на брзо усвојување за да се има ефикасен попис.

Покрај законот за попис, Маричиќ вети и измена на Изборниот законик, имено спроведување на отворени листи за општински советници на локалните избори. Нема ништо конкретно во оваа најавена иницијатива. Алсат вчера објави дека нема информација ниту  до каде е фазата за ветинг во судството, кој беше ветен за првите 100 дена од мандатот, и дали Министерството за правда навремено ќе го претстави овој план. За првите три месеци од мандатот беше ветувано промена на Кривичниот законик или електронско следење на лицата во домашен притвор за да не можат да избегаат. Ниту во ова нема ништо конкретно.

Fatlume Dervishi