Наместо повисоки даноци кои државата им ги подготвува, занаетчиите бараат од Владата да им ги намали давачките за да може да ја преживеат кризата. Дополнително, бараат институциите да ја намалат сивата економија во нивните дејности. Парите кои Министерството за економија им ги става на располагање им се недоволни и бараат сериозно зголемување на сумата. Останатите детали за проблемите со кои се соочуваат занаетчиите ќе дознаете од најновиот Економски магазин вечерва на Алсат во 22 часот и 20 минути.
„Бараме ние, не 5, туку 50 милиони денари за да можат занаетчиите да имаат квалитет во своите производи и да може да опстојат на пазарот бидејќи кризата го направи своето. Кога може една фабрика со толкав капацитет да се затвори заради кризата замислите еден занаетчија со двајца вработени или еден семеен бизнис“, рече Агрон Фазлији, претседател на Занаетчиска комора.
