Етапна и предвремена исплата и на октомвриските пензии

Oд денеска почнува етапната исплата на октомвриските пензии кои ќе бидат исплатени предвреме и етапно,за да се овозможи поголема заштита на пензионерите во услови на опасност од коронавирусот Ковид-19, соопшти Министерството за труд и социјална политика (МТСП).

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата и тоа во вторник исплата на пензии со висина до 11.000 денари, во среда исплата на пензии во висина од 11.001 денари до 14.000 денари, во четврток исплата на пензии во висина од 14.001 денари до 18.000 денари и во петок исплата на пензии во висина над 18.000 денари.