Ф-1: Пол позиција за Ферстапен во Австрија

Утре на Ред Бул Ринг се вози големата награда на Штаерска од шампионатот во Ф-1. Со остварен најбрз круг пол позиција обезбеди Макс Ферстапен со што уште еднаш потврди дека е подготвен да му ја украде титулата на Луис Хамилтон кој ја обезбеди втората стартна позиција. Валтери Ботас имаше одлично издание но го загуби второто место поради казната од вчерашниот ден.

По квалификациите светскиот првак Хамилтон призна дека Ферстапен вози во голема форма и изјави дека шанса за победа гледа само доколку утре заврне во Австрија.