Ф1 – Ботас заминува во Алфа Ромео

Легендата на Формула 1, Кими Раиконен ќе биде заменет со Валтери Ботас, актуелниот возач на тимот на Мерцедес. Веста ја потврди и тимот на АЛФА РОМЕО, но и финскиот возач на социјалните мрежи.

„Започнувам нова ера во мојата кариера и среќен сум што ќе возам за Алфа Ромео во 2022 година. Ви благодарам за укажаната доверба“, напиша Ботас. Финскиот возач го имаше своето деби во Формула 1 за Вилијамс во 2013 година, а по четири години, тој му се придружи на Луис Хамилтон во Мерцедес.