Георгиевска: Загадувањето на воздухот ќе ја влоши состојбата со Ковид-19
Во своето вечерашно гостување во емисијата „200“ на Алсат, Невена Георгиевска, од граѓанската иницијатива „О2“ предупредува дека престојната зима би можело да биде мошне критичен период. Пандемијата на Ковид-19 и големото аерозагадување ќе ја влоши состојбата на најранливите категории граѓани, оценува Георгиевска.
Таа додава дека загадувањето на воздухот е причиона и за загаденост на почвата и оти проблемите коишто недоволно се решаваат остануваат товар за наредните генерации.
„Она што го оставаме за идните генерации е огромен проблем. Толку загадена почва и период во кој не реагираме, создаваме наследство на идните генерации кои ќе имаат многу поголеми тешкотии да се справат отколку ако ние почнеме уште сега да реагираме“, вели Георгиевска.