Граѓани веќе почнаа да бараат брза помош поради жештините

Летната жештина што ја зафати земјава ги испразни улиците и јавните отворени простори. Во главниот град денеска температурата достигна 34 степени.

“Пристигнаа високите температури, но и загриженоста предизвикана од овие температури. Лекарите даваат препораки бидејќи граѓаните веќе почнаа да се јавуваат и да бараат брза помош поради вртоглавици или други здравствени проблеми предизвикани од температурите”, известува новинарката на Алсат М, Еви Шкопи.

Би било добро обврските да се завршуваат пред 10 и по 17 часот

На бројот 194 граѓаните веќе почнаа да бараат лекарска помош. Во најголем број случаи се жалат на вртоглавици или главоболки.

Од Управата за хидрометеоролошки работи информираат дека температурите во нашата земја во текот на овие денови ќе достигнат и до 38 степени./Alsat.mk

Новинарка: Еви Шкопи