Постојаното зголемување на цените на основните прехранбени производи доведе до зголемување на цената на брзата храна, како и на цените во рестораните. Граѓаните за Алсат велат дека за разлика од минатите години, сега посетите во ресторани стануваат ретки.
„Не стига бидејќи со платите сме слаби, јас сум пензионер, но пензијата е мала, многу мала. Ако јадам нешто надвор, нема да ми стигнат парите. Има некои кои јадат храна надвор, но тие се 20%, додека 80% не“…
„Кој не сака да излезе на прошетка и да јаде нешто надвор од дома, но бидејќи немаме доволно приходи, никогаш не излегуваме“…
„Цените не се нормални, не знам што да кажам“, велат граѓаните.
Поради состојбата со растот на цените на основните производи, Министерството за економија донесе одлука за замрзнување на цените на 50 прехранбени производи и нивно намалување за 10%. Оваа мерка се очекува да почне да се спроведува од 20 септември за производи кои се оданочуваат со 5%.
Алсат
