Груевски од Будимпешта: Пописот објавен за април скапо ќе ги чини граѓаните

Поранешниот премиер Никола Груевски предупредува дека пописот ќе ги чини скапо граѓаните и идните генерации. Во својата реакција, Груевски од Будимпешта посочи на некои елементи што недостасуваат во законот усвоен минатата недела.

„-Не постои дефиниција за тоа кои попишувани лица ќе се сметаат за резиденти;
-Нема дефиниција за домаќинствата; Нема дефиниција за живеалиштата;
-Не е дефинирано кои “специфични” документи ќе се сметаат за легитимни за време на попис;
-Нема дефиниција за главни попишувани категории; Нема информации за базата на податоци;
-Нема информации кога ќе бидат објавени податоците за пописот”, пишува Груевски.

Во своите заклучоци, поранешниот лидер на ВМРО-ДПМНЕ предвиде неколку сценарија преку кои може да се одржи пописот на населението.

„-Активно попишување од страна на двајца или повеќе попишувачи од една националност, на целата дијаспора, вклучително и лица кои починале;
-Бојкот на пописот од неколку стотици илјади граѓани со тоа што не им се отвора вратата на попишувачите;
-Прекин на пописот, додека не ескалира или оди кон непријателска или напната ситуација”, пишува Груевски.

Груевски смета дека поддршката на законот од сите албански политички партии во Собранието и од СДСМ му дава уште повеќе етничка боја и дека ваквите бројки докажуваат дека неговото спроведување се прави по секоја цена. Груевски заедно со лидерот на ДУИ, Али Ахмети, беа обвинети од СЈО за компромитирање на пописот во 2011 година, со што на државниот буџет му нанесоа штета од 2,8 милиони евра. Но, двајца поранешни партнери, Ахмети и Груевски, се спасија од кривично гонење. Пописот на населението се очекува да се одржи од 1 до 21 април.

Адриан Керими