Изборната кампања официјално не започна, но практично е во полн ек

Локалните избори ќе се одржат на 17 октомври, додека кампањата ќе започне на 27 септември. Меѓутоа, различни функционери на партии веќе ги започнаа своите теренски активности. Ова го потврдува и Комисијата за борба против корупцијата. Претседателката на оваа институција вели дека функционерите на секој начин ги надминуваат предизборните правила, бидејќи промовираат проекти. Исто така, има зголемување на јавните набавки, слободни работни места и трошење буџетски средства. Ова, според Ивановска, е со цел индиректно да се влијае врз гласачите.

Ивановска додава дека на нивната веб страница добиле пет претставки за изборна злоупотреба, како и 150 барања од различни институции за добивање мислење од Антикорупциска. Таа ги повикува партиите да ги почитуваат изборните правила.

Но, пред неколку дена, премиерот Зоран Заев рече дека со теренските активности не водат кампања. Тој ги смета активностите за легални и дури смета дека тие се во рамките на обврската да ги информираат граѓаните за сработеното.

Во текот на изминатите две недели, политичките партии објавија голем број кандидати за градоначалници. Ова, исто така, ја покажува големата посветеност на владините претставници и политичките партии да промовираат реализирани проекти и проекти за кои се ветува дека ќе се реализираат.

Мефаил Исмаили