Иако сè уште не е познато кога ќе пристигнат кинеските или руските вакцини, здравствените институции во многу градови започнаа со подготовките за вакцинирање

Додека процесот на имунизација се одвива само во еден пункт во Скопје за медицинскиот персонал, во другите градови во земјата, за вакцините слушнале само од телевизија. Неколку здравствени центри во различни зони подготвиле медицинска опрема и просториите каде што ќе се применуваат вакцини против ковида. Во една од нив што ја посетивме во Куманово, медицинскиот персонал истакна дека ја завршиле потребната обука за вакцините, кои се очекува да дојдат во март. Докторка Снежана Јовановска рече дека сите треба да се вакцинираат за да добијат колективен имунитет.

 Од Управата на Здравствениот дом во Куманово, институција која е втора во земјава според бројот на граѓани што се третираат, велат дека целиот процес е предизвик. Според директорот Фарук Алили, иако децата се вакцинираат во истиот објект за редовни вакцинации, влезовите се различни и нема можност за ширење на инфекцијата.

„Првично, ќе започнеме само со утринска смена каде што е само оваа точка за вакцинација. Како што знаеме, вакцините сè уште не пристигнале, зависи подоцна како ќе пристигнат  и ако бројот на граѓани биде голем, тогаш дефинитивно ќе започнеме со втора смена. Сè зависи од интересот на населението и бројот на вакцини, кои ќе ни ги донесе Министерството за здравство “.

Околу 50 градски здравствени работници изразија подготвеност да бидат вакцинирани, вклучително и лекари, медицински сестри и друг административен персонал, кои се директно вклучени во лекувањето на пациентите погодени од вирусот корона. Но, матичните лекари велат дека досега бројот на граѓани од овој регион кои доброволно се пријавиле за вакцинација не е толку голем.

Përgatiti: Adnan Qaili