Јанша: На шести октомври ќе се одржи невообичаен самит на ЕУ

Словенија која од први јули го презема претседателството со Европската унија ќе организира ЕУ самит на шести октомври на кој ќе се дискутира за односите со Кина и за давање нов живот на врските со шесте балкански земји кои се надеваат дека ќе станат дел од блокот, рече денеска словенечкиот премиер Јанез Јанша, а пренесува агенцијата Ројтерс.

Сѐ уште не е јасно дали на самитот ќе биде поканет и кинескиот претседател Кси Џинпинг. Поради пандемијата со ковид19 двата самити ЕУ-Кина кои се одржаа во јуни и во септември лани беа преку видеоконференциска врска.

“На шести октомври ќе се одржи невообичаен самит на Европската унија кој прво ќе биде посветен на односите со Кина, а потоа на односите со Западен Балкан“, кажа Јанша зборувајќи во Брдо.