Јовановиќ: Месото и месните производи да бидат следни за замрзнување на цената

Бранимир Јовановиќ од виенскиот институт за економија, во своето вечерашно вклучување во емисијата „Економски Магазин“ на Алсат оценува дека следни прехранбени производи на листата за ценовно замрзнување треба да е месото бидејќи, како што вели, во потрошувачката кошничка месото учествува со високи 9 проценти.

„Месото и месните производи треба да бидат следните на ред за замрзнување. Многу е поважно тоа да се замрзне отколку тестенини, ориз и слично затоа што многу повеќе луѓето трошат на месо отколку на друго, тестенини, ориз и слично. Во потрошувачката кошница месото учествува со 9%“, рече Јовановиќ.