ВЕСТИМАКЕДОНИЈА

Кацарска: Уставниот суд бил максимално затворен

Уставниот суд е максимално затворен, оцени новата претседателка Добрила Кацарска. Според неа последниве години, Судот наместо да се отвара кон јавноста, тој се повеќе и повеќе бил затворен за јавноста и медиумите. Кацарска вети транспарентност.

„Кога дојдов во Уставниот суд мене ми беше несфатливо да е толку многу затворен судот“, изјави Добрила Кацарска, Претседателка на Уставен суд.

Во моментов Уставен работи со тројца судии помалку. Новите членови треба да ги изберат пратениците со гласање во Собранието, што ја отвора можноста за политичко и бизнис влијание.

„Се надевам и посакувам да изберат професионалци, чесни судии на кои воопшто нема да им е важно кој е подносител на иницијативата и која одредба се оспорува. Се надевам дека ќе имаат „сенс“ политичарите и ќе размислат добро кого ќе предложат и кого ќе изберат за судија“, рече Добрила Кацарска, Претседателка на Уставен суд.

Брз избор на наследници на пензионираните уставни судии, побара и поранешната судијка во сдуот за човекови права во Стразбур, Маргарита Цаца Николовска.

„Судот може да работи со шест судии, но не е идејата девет судии да не бидат присутни и сите девет да гласаат за одлука“, изјави Маргарита Цаца Николовска, поранешен судија во Стразбург.

Институтот за човекови права денеска одржа конференција каде се презентираше работата на Уставниот суд, но и можност да се слушнат проблемите кои ја кочат транспарентноста на оваа институција.

Бојан Стојановски

Прикажи повеќе

Related Articles

Back to top button