Kошаркарите на Кливленд Кавалирс стигнаа и до 12 победа во низа од стартот на новата сезона во НБА лигата откако славеа на гостувањето кај Чикаго Булс со 113-119.
Интересно е тоа што токму во Чикаго го израмнија ефектот на Булс од сезоната 1996/97, поставен од тимот на Мајкл Џордан кој многумина го сметаат за најдобар на сите времиња. Рекордот го држи Голден Стејт Вориорс од сезоната 2015/16 и тој изнесува 24/0 што значи дека Кливленд сега е на половина пат од тоа достигнување.
Повторно најдобар поединец во победничкиот табор беше Донован Мичел кој натпреварот го заврши со 36 поени. Кај поразените недоволни беа 26 поени на Зак Лавин.
РЕЗУЛТАТИ
Чикаго – Кливленд 113-119
Хјустон – Вашингтон 107-92
Њу Орлеанс – Бруклин 105-107
Оклахома – ЛА Клиперс 134-128
Сан Антонио – Сакраменто 116-96
