Конечно свикана седница на Парламентот за носење закони

Собранието на 9 декември свика пленарна седница на која ќе стави на гласање повеќе закони кои останаа во процедура со месеци. На 54-та седница се очекува да бидат ратификувани 9 договори и меморандуми за соработка со Турција, Франција, Албанија и договор за слободна трговија. Во меѓувреме, во второ читање ќе се најдат законите предложени од МВР, а кои главно се однесуваат на усогласувања.

Во пакетот закони предложени од МВР се и закони со европско знаме, измени и дополнувања кои се предлагаат за дигитално усогласување на законските процедури.

Од пакетот економски закони, на пленарна седница ќе се најдат законот за хартии од вредност, даночното ослободување и прераспределба на средства, како и предлог-буџетот за 2022 година. Нема необработени или преостанати постапки од областа на здравството, трудот, социјалната политика, културата и транспортот. Во меѓувреме, необработени остануваат барањата на опозицијата за оставките што ги најавија министерот и заменик-министерот за здравство, како и барањето за формирање анкетна комисија за пожарот во модуларната болница во Тетово.

На 9 декември завршува и кризната состојба во енергетскиот сектор. За нејзино продолжување Собранието мора да ја заврши 54-та седница или да свика нова бидејќи нејзиното продолжение е неопходно сè додека е во сила енергетската криза. Досега не е закажана седница за пратенички прашања за ноември. Од почетокот на август Собранието е речиси нефункционално, прво поради колективниот одмор, а потоа и поради кампањата за локалните избори.

Адриан Керими