Костовски: Некогашните „ѕверки“ добиваат ефективни затворски казни

Правната држава почнува да функционира и во пракса, вели во своето вечерашно гостување во емисијата „200“ на Алсат пратеникот од СДСМ, Мартин Костовски. Како што вели тој, коментирајќи ја денешната пресуда за случајот „Трезор“, некогашните заштитени „ѕверки“ од минатиот период добиваат ефективни затворски казни.

„Оди бавно, но менталниот код на перцепцијата на граѓаните е дека нешто се менува. Особено во делот на правосудството, во делот на професионалноста и непристрасноста во работењето на МВР, резултатите се видливи“, рече пратеникот Костовски.