Курти: Екстадицијата за „Монструм“ не е најјасна

Премиерот на Косово, Албин Курти, беше прашан за случајот „Монструм“, и дали со премиерот Зоран Заев разговарале за екстрадиција на двајца државјани на Македонија, кои се на Косово, и кои беа осудени за петкратното убиство во Скопје, во 2012 година. Курти рече дека министрите за правда на двете земји се во контакт и дека соработуваат по ова прашање. Но, тој рече дека разговарале со премиерот и за други случаи бидејќи постојат сомневања дека не се расветлени до крај, алудирајќи на случајот во Куманово.

„Знаеме дека од минатото наследуваме трагични и многу сериозни случаи, за кои имаше тешки процеси. Се уште има случаи кои, според мое мислење, не се целосно разјаснети и за кои се уште ја немаме целосната вистина и заедно со премиерот Заев разговаравме дека ни треба не само поддршка, туку и меѓународна помош, за  правдата за сите граѓаните, а особено за жртвите да дојде на крајот и вистината да се знае до крај“.

Alsat