Лока, жителите бараат мост

Жителите на село Лока во општина Сарај веќе десет дена имаат блокиран пат кон центарот на градот. Ова се должи на уривањето на катна зграда помеѓу општина Сарај и Карпош. Со помош на полицијата, патот се блокира од 8 часот наутро до 16 часот попладне. Револтирани, жителите минуваат десетици километри за да стигнат до главниот град.

„Возиме од Сарај, патуваме 7 – 8 километри. Ни одзема време, имаме трошоци. Зошто да плаќаме ние како жители на Лока цена за она што дозволија да го градат како објект, шест или седум години што треба да се гради“.

„Секој од нас е оштетен со десетици километри и повеќе. Овој пат треба да се расчисти, ова е како да ни наметнуваат полициски час, како да сме осудени за делото на некој друг, тие можат да ја продолжат својата работа, но нашата работа не смее да се запре“.

Жители на ова село, како единствена алтернатива за да стигнат до градот го имаат пешачкиот мост што се поврзува со општина Ѓорче Петров. Сепак, тој е скоро уништен. Според нив, веќе се доставени десетици барања до општина Сарај за изградба на нов мост.

„Општините ни ветија, но никој од нив не стори ништо. Само да се рече дека е мост, ова не е ни мост, останува само името дека е мост“.

Градоначалникот на Сарај, Блерим Беџети рече дека добил многу барања за изградба на нов мост во селото Лока. Според него, ова е доставено до општина Ѓорче Петров и Град Скопје кои не изразиле интерес за изградба на мостот.

„Тие упатија разни петиции до општината, јас ги доставив до други институции. Сите институции кои не се занимаваат со ова прашање навистина создаваат пречки, сите тела, институции кои имаат надлежности. Жителите го немаат ова барање за некаков луксуз, туку е потреба“.

Melihate Rustemi