Лукаревска: Не е хумано да се бараат избори во ваква ситуација

Заменик претседателката на СДСМ и директорка на УЈП, Сања Лукаревска, во своето вечерашно гостување во емисијата „360 Степени“ на Алсат рече дека состојбите во државава не се соодветни за да се размислува за предвремени избори. Коментирајќи ги барањата од опозицијата за лидерска средба на која би се дискутирало и одржување на предвремени парламентарни избори, Лукаревска вели:

„Се справуваме со ковид криза, таа сѐ уште не е за занемарување, гледаме бројки и статистики, имаме безбедносна криза, имаме енергетска криза и на крајот на краиштата, во ваква состојба сметам дека не е патриотски и не е хумано да се бараат избори. Зошто да не се оди на редовни“, рече Лукаревска.